啱啱過咗年十五元宵節，唔知史友們點過節呢？阿史响一個報道中，見到離香港唔係好遠嘅佛山，當地人就會元宵個陣就會「行通濟」。嘩！乜嘢嚟架？
佛山當地人就有講法：「行通濟，冇閉翳！」行通濟係廣東省佛山市一帶嘅傳統民俗活動，通濟，係指佛山市嘅通濟橋，响元宵節期間，當地居民就會扶老攜幼，舉着風車、搖着風鈴、提着生菜浩浩蕩蕩咁由北到南走過通濟橋，祈求之後一年家家戶戶平平安安、順順利利。呢個習俗係响明末清初開始出現，當地人行通濟嘅正日係正月十六，當地人就認為，只要响呢個日子行過通濟橋，就唔會有煩惱煩心事。
有趣嘅係，佛山昔日嘅通濟橋，有「九出十三歸」嘅意念响當中。係橋頭石級有9級，橋尾13級。至於今時今日重建嘅通濟橋，依然遵循橋上「出」嘅方向有9條防滑槽，「入」嘅方向有13條防滑槽。而呢個意念其實同借錢有關，因為昔日佛山市典當業發達，九出十三歸呢個息口算法就融入咗生活當中。嘩！咁都得？
原圖：takungpao