近日中國自然資源部就印發咗《公開地圖內容表示規範》，而日後嘅公開地圖或者附着地圖圖形產品其實都係需要遵守呢一份規範。咁到底喺呢份《公開地圖內容表示規範》當中有咩亮點呢？阿史今次就同大家介紹下啦！
要知道國家版圖係一個國家行使主權以及管轄權嘅疆域，而地圖就係國家版圖嘅最重要表現形式，由於近年唔少影視作品、新聞報導等都會錯誤使用一啲「問題地圖」，所以呢份《公開地圖內容表示規範》就有絕對嘅重要性。
喺《規範》當中就指出，日後嘅中國全圖都需要準確反映中國領土範圍，中國全圖除咗需要表示大陸、海南島、台灣島外，仲要有埋南海諸島、釣魚島及其附屬島嶼等重要島嶼，而喺南海諸島附圖，就要連同海南島最南端一同繪出。
而大家最關心嘅台灣省地圖，就需要先以省級行政單位表示，台灣省嘅新北市、桃園市、台中市、台南市、高雄市就按照地級行政中心表示。
原圖嚟自網絡