上次講過响電影《丐世英雄》提及過「九無領導人」，除咗「無去過卡拉OK」外，「九無」當中就有一無係「無用大哥大電話」。因為响某個時期，大哥大電話真係風行全國。
大哥大電話其實係八十年代流行嘅手提電話，據講因為香港影壇大哥大洪金寶係香港第一個用呢部磚頭咁大嘅電話，因此呢類電話有「大哥大」之稱。好喇！咁內地又係幾時出現「大哥大」呢？就係八十年代喇！响1987年，摩托羅拉喺北京設立辦事處，將「大哥大」手提電話引入內地。而响同一年，廣東省就成為內地第一個開通移動通訊網嘅地區，最初只能容納1200個用戶，其中首批用戶只有150人。至於內地「大哥大」第一個用戶，就係南海漁村創辦人徐峰。當年只有23歲嘅佢創業只係一年，就响1987年11月去到廣東省廣州市郵電局無線分局，填寫一張移動電話入網申請表，買咗內地一部「大哥大」，令佢成為內地第一個用「大哥大」嘅用戶。
原圖嚟自網絡