繼續同史友們介紹我國最新嘅考古發現，以往都同史友們介紹我國南海係全國面積最大、水下文化遺產最豐富嘅海域，同時亦都係絲綢之路嘅重要區段。之不過，同喺陸上進行考古唔同，水下考古要面對嘅風險同難度亦都唔係常人可以想像，絕對係需要極多資源同科技支援先至可以持續發展。
正因為對水下考古文物嘅尊重，近日國家文物局考古研究中心就有一項重大決定公布，就係國家文物局水下考古南海基地正式啟用！呢個佔地達到74畝，總建築面積達31,085平方米嘅基地就包括綜合管理樓、科研樓、船體修復車間和訓練樓等，唔單止面積充足，就連相當嘅區域同設計都已經提早規劃好。相信有咗呢個基地嘅啟用，未來中國水下考古嘅工作必定可以取得更多重大突破，對傳承中華傳統文化、維護國家主權、安全以及海洋權益作出重大貢獻。
評論：
共0 條評論