韓國部隊鍋近年因為韓劇嘅熱播而成為風行全球嘅「美食」，之不過近日美國《紐約時報》就發布咗一則由韓裔美國人撰寫嘅「韓式部隊鍋」食譜，當中介紹就指呢道起源於朝鮮戰爭嘅菜式最早係用「美國陸軍剩餘口糧」製成，呢個講法隨即就引起唔少網民熱議。
關於韓國部隊鍋嘅歷史，其實就係喺韓戰爆發後，經歷過四年幾戰爭嘅韓國就已經陷入物資極度缺乏嘅情況，而同時議政府市進駐咗唔少美軍部隊「保護」漢城（現今首爾），受到饑餓折磨嘅韓民就搵到美軍部隊用餐後淨低嘅香腸以及罐裝火腿，配以苦椒醬為湯底整成辛辣火鍋，以解饑餓之苦。由於所有用料都係取材自美軍部隊，所以又稱為「部隊鍋」。
歷史起源就係咁，唔少韓國網民就留言質問「為什麽韓國民眾當時會經歷極度貧困的時期？」、「老兄，你應該知道是誰造成的吧？」，甚至仲有人直斥韓國部隊鍋就係「美國佔領韓國的象徵」，唔知史友們又點睇呢？
原圖嚟自網絡