近日山西省考古研究院就公布咗對山西霍州陳村金元時期瓷窯考古嘅最新發現,喺呢個區域當中考古團隊就搵到金元時期嘅生產瓷器嘅代表性窯場,阿史今次就同大家介紹下啦!
早喺2022年起,經國家文物局以及山西省文物局指導下,山西省考古研究院對霍州窯址開展全面考古調查以及勘探工作,喺完成40萬平方米、 325處地塊嘅考古調查下,考古團隊就發現到多個瓷片、爐渣、窯爐等窯業堆積。經過研究同比對後,團隊就認為呢次發現有幾個唔同時代嘅遺址,分別係生土平台上掏挖嘅元代饅頭窯、明代大型馬蹄形窯爐,當中仲出土咗少量粗白瓷、黑釉瓷。
原圖嚟自網絡
評論:
共0 條評論