繼續同史友們介紹世界各地最新嘅考古發現，要知道就算係以今時今日嘅醫療科技，開顱手術都仍然係風險極高嘅手術，但如果呢項手術放喺三千年前，到底又會有咩事發生呢？阿史今次就同大家講一講啦！
近日就有考古團隊喺以色列北部嘅泰勒美吉多古城發現到兩具有三千幾年歷史嘅骸骨。據考古團隊嘅研究同基因分析，呢兩具骸骨應該係一對生活喺公元前 1550年至 1540年代嘅兄弟，而佢哋極有可能係當時嘅王室成員。
但重要嘅發現唔單止咁，考古團隊仲發現其中一具骸骨仲曾經進行過開顱手術，係近東地區發現最早嘅骸骨進行過穿孔手術。而據專家推斷，喺進行完呢次開頭顱手術後，呢位事主並冇成功康復，反而係喺手術之後冇耐就死亡。
原圖嚟自網絡