近排阿史就睇到友人去柬埔寨吳哥窟遊玩嘅相片，隨即就勾起對呢個面積龐大嘅遺址嘅一啲記憶。呢座曾經係世上盛極一時「高棉帝國」嘅所在地，到底點解一夜之間過百萬嘅人口又會消失晒呢？阿史今次就同大家講一講啦！
要知道今時今日仍具有宏偉建築同埋精緻浮雕嘅吳哥窟喺古代就已經係相當重要嘅城址，呢個由蘇利耶跋摩二世（King SuryavarmanII）喺1100年代初至中期之間耗費約35年興建嘅古城，係象徵住高棉帝國政治軍事力量以及藝術嘅頂峰。喺呢度所有嘅牆壁、長廊、神殿都係同古代印象神話故事有關嘅浮雕，前前後後要用到400幾年先至可以完成到咁多浮雕以及建築。
咁問題嚟喇，就係明明13世紀末年都仍然係繁華熱鬧嘅吳哥窟，去到後來點解就會變成森林杳無人煙？後世就有史學家提出一點有意思嘅推論，就係當時歐洲面臨冰河時期，而高棉帝國亦都喺氣候劇變下面對長時間嘅乾旱，水利系統受到打擊，強大如高棉帝國亦都被滅國，唔知史友們又點睇呢？
原圖嚟自網絡