「二二八」紀念日將至，作為蔣介石後代嘅新任台北市長蔣萬安近日就成為台灣社會關注嘅一位人物，事關係作為「蔣家曾孫」嘅佢將會面對兩難，就係點樣喺「家族原罪」以及「民心所向」嘅兩個方向上取得平衡。
要知道二二八事件係台灣戰後史上最令人憤怒嘅事件，喺1947年2月28日，由於台北市專賣局查緝員查緝私煙之時打傷煙販林江邁、誤殺市民陳文溪，隨即就激起民眾憤怒，引發市民罷市、罷課、罷工，遊行，但換嚟嘅又係衛兵以機槍掃射。抗爭與衝突全面蔓延，國民黨領袖蔣介石發動部隊鎮壓，導致至少2.8萬台灣人民眾喺兩個月內被殺害，隨後40後台灣民眾亦都面對住戒嚴生活，直到1987年先至完全結束。
國民黨就係犯下咗咁樣嘅歷史錯誤，而蔣萬安作為「蔣家曾孫」自然就被外界認為需要為二二八道歉負責。咁到底呢位政治新星到時會點樣應對呢？
原圖嚟自網絡