繼續同史友們介紹我國最新嘅考古發現，近日山東省濟南市考古研究院就公布咗考古團隊喺歷城區樊家遺址嘅考古發現，結果就喺當中嘅唐代朱滿墓葬（M49）出土逾50件三彩俑，係山東省內迄今最多唐三彩出土數量嘅古墓，阿史今次就同大家介紹一下。
考古團隊早喺前年至去年就已經喺歷城區樊家遺址進行考古發掘，喺清理超過200座各時期嘅墓葬之後，結果就喺編號為M49嘅唐代朱滿墓葬搵到山東地區迄今為止數量最多、造型最全、製作最精美嘅唐三彩。當中唔單止有鎮墓獸、胡人牽駱駝、六畜等種類，就連天王俑都係體積最大，單單係高度已經達到1米，真係相當犀利。
而喺呢個墓葬中出土嘅瓷器更加係具有中晚唐瓷器特徵，呢次發現絕對能夠為研究唐代瓷器演化規律及斷代標準提供參考資料。
原圖嚟自網絡