繼續同史友們介紹我國最新嘅考古遺址狀況,近日我國就舉行第三屆國家考古遺址公園文化藝術周暨第十一屆國家考古遺址公園聯盟聯席會,喺會上就評選出2020-2022年度優秀推薦。咁到底係邊個遺址得到大獎呢?阿史今次就同大家講一講啦!
近日呢個重大嘅會議就係由國家文化遺產研究院、中國科學院古脊椎動物與古人類研究所、北京市文物局、房山區人民政府等部門聯合主辦,55家國家考古遺址公園掛牌單位代表共計200多名領導嘉賓參加。會議主題就係以「溯萬年文脈,開百年新局-從遠古攜手邁入新時代」為題,對我國國家考古遺址公園的高質量發展進行經驗交流與研討。
而喺會上聯盟聯席就將四川德陽三星堆國家考古遺址公園評選出「特色活動推薦」以及「研究成果推薦」兩個大獎,並且邀請海內外有關領域專家學者進行研討、座談,希望通過呢種方式可以呼籲廣大文物工作者共同推進國家考古遺址公園高質量發展,阿史真係相當期待見到我國家考古遺址公園得到更好嘅發展!
原圖嚟自網絡