內地同香港復常通關後，唔少人都坐高鐵返內地玩，其中一個熱門地點就係廣州。今次高鐵重開其中一個特別之處，就係西九龍高鐵站可以直達廣州東站，對好多香港人嚟講真係非常方便。
講到廣州東站呢個地方，史友們如果去過都會記得响車站附近有一個中信廣場，呢個位處天河區嘅廣州新中軸線地標式建築，一直都係廣州市現代化發展嘅標誌。中信廣場於1993年7月開始興建，1997年4月竣工，大樓高391米共80層，由一幢80層嘅主樓同兩幢38層嘅副樓組成，由香港獨資公司熊谷蜆殼發展(廣州)有限公司投資37億港元興建。中信廣場當時不但係廣州第一高樓，亦係當時內地第一高樓。唔單止咁，中信廣場仲係世界最高嘅混凝土建築。
隨著時間嘅推移，天河區南部珠江新城開始崛起，更多高樓大廈落成，中信大廈就漸漸無咁受到關注。不過，如果坐火車到廣州，遠遠見到中信時就會知道「到廣州喇！」
原圖嚟自網絡