繼續同史友們介紹我國古代兵器上嘅一啲獨特設計，以後就同大家介紹完點解兵器之上要設計血槽、紅櫻槍又點解要掛紅櫻，今次就同大家講一講古代嘅劍點解會綁劍穗啦！
要知道喺古代社會嚟講，無論係文人墨客、豪門貴族、定還是帝王將相都以持劍為榮，而劍亦都因為咁而產出好多種類。之不過，就算劍嘅種類幾咁唔同，大家都會約定俗成咁喺劍上綁上「劍穗」，到底背後有咩原因呢？
所謂嘅「劍穗」就即係以絲、綿等材質編織而成嘅一種裝備，但原來呢種裝飾都有實際功用。每當古代嘅將士喺戰場上以劍搏鬥之時，劍身劍柄都極易染滿鮮血，一旦手滑丟失咗兵器隨時命仔都冇埋。為咗防止呢種意外發生，最初就有人諗到將士兵嘅手以及兵器用繩綁埋一齊，呢種就係最初嘅劍穗，慢慢甚至仲能夠配合劍招使用。
而隨住社會慢慢發展，「劍穗」亦都唔止局限於打仗，而喺日常生活亦都成為文人墨客舞劍作樂之時嘅一種裝飾。
原圖嚟自網絡