近排阿史就見到有網友晒出一張「清朝護照」嘅相片，同現代社會唔同嘅係，當時呢種「護照」由於技術唔先進，負責檢查嘅人就只能夠通過文字敘述去判斷持有人嘅身份，阿史今次就同大家介紹一下「清朝護照」啦！
清朝年間，其實大部分時間都係「閉關鎖國」，無論係外國人定係中國人都無法出入，所以根本就唔需要有「護照」嘅存在。但後來隨住第一次鴉片戰爭爆發，各種喪權辱國條約出現後，清政府都無奈要開放「護照」。
之不過，喺技術嘅層面嚟講，最初嘅清朝「護照」嘅紙張就只係一張普通嘅紙，而且表面亦都冇人像相片，只係有對於持有者嘅五官、身材等細緻嘅描寫。由於呢種「護照」尺寸極大，所以早年經常都會丟失以及損毀。而今次網友分享嘅呢張清朝護照就係由大清欽差所持有，上面就會列明便者由邊度出發，通過搭船到達。而清朝護照喺最尾一句都會寫有「持護照過境時，請立即檢查放行，按照約定予以保護，不要為難阻止」嘅句子，真係相當有底氣。
原圖嚟自網絡