繼續同史友們介紹環球最新嘅考古趣聞，一直以嚟大家最關心嘅埃及金字塔考古之謎又有最新嘅進展。近日埃及旅遊和文物部就公布，現存最大嘅金字塔胡夫金字塔（The Great Pyramid of Giza）內部發現到一條新通道，竟然仲可以通往一個神秘空間！阿史今次就同大家介紹下啦！
早喺2015年，就已經有一個由多國專家共同合作，名為「掃描金字塔」嘅項目嘗試利用繆子成像技術對金字塔進行掃描，希望可以了解到金字塔仍未被打開嘅空間。據埃及旅遊和文物部介紹，近日佢哋嘅「掃描金字塔」項目團隊通過粒子物理學探測方法，喺唔損壞胡夫金字塔嘅情況下，發現一條長9米、寬2.1米嘅新通道。
連同喺2017年發現到嘅「巨大的神秘空間」推斷，呢條通道正正就係喺呢個中空結構上方，換言之即係可以通往呢個空間。之不過到底呢個空間具體又有乜作用，咁就真係需要進一步研究先知喇！
原圖嚟自網絡