繼續同史友們介紹我國最新嘅考古發現，近日山東威海「靖遠」艦遺址就展開咗第一期水下考古調查工作，喺呢次工作當中唔單止搞清楚沉艦鍋爐艙、艏彈藥艙、艉彈藥艙位置，而且仲解決咗一個困擾大家已久嘅歷史謎題，阿史今次就同大家講一講啦！
喺歷史上，靖遠號防護巡洋艦是清朝為其海軍向英國訂購的防護巡洋艦之一，為致遠級2號艦。隨住威海衛之戰定遠號受創擱淺，靖遠艦成為北洋艦隊覆滅之前最後嘅旗艦，最終就因為受到日軍攻擊坐沉，北洋水師對靖遠號實施魚雷攻擊徹底摧毀。
靖遠艦遺址位於威海灣海軍碼頭南約1.1公里處海域，水深6到8米。目前沉艦殘骸已完全埋於海底淤泥之下，埋藏深度約1.2至2.4米，分布面積約850平方米，要發掘起嚟真係話易唔易！據山東省水下考古研究中心表示，呢次發掘就一共出水201件文物，其中仲有兩箱完整嘅哈奇開斯37毫米炮彈，係全國內首次有咁樣嘅發現。而現場其實仲有大量彈殼，亦都印證靖遠艦喺戰爭過程中存在大量反擊行為，成功解答到困擾大家已久嘅歷史謎題！
原圖嚟自網絡