早幾日就同史友們講過金朝大軍攻陷開封城後,徽宗、欽宗二帝以及大量皇室成員、婦女被擄走,唔少人經歷過牽羊禮之後都不堪受辱而選擇自盡,咁到底呢場經常被稱為「靖康之恥」嘅事件,實際上又有幾恥呢?
喺呢次事件當中,唔單止係徽宗、欽宗二帝以及后妃被擄走,就連宋徽宗女兒延慶公主都一同被帶到金國。其實喺金國軍隊押送途中唔少婦女都遭到金兵強暴、酷刑,去到金國作為奴隸之前,原本過萬名嘅婦女就只係得返三成生存。
至於到達咗金國之後,太后、皇后、妃嬪、公主等等就淪為金國皇室嘅玩物,過千人都被有功嘅將領挑選,而淨低嘅人就被送到金國官方嘅妓院「浣衣院」,當中就包括宋朝12歲以下嘅公主。「浣衣院」係金國地位最低嘅妓院,喺呢度嘅女子基本上會受盡金國男子嘅折磨,要活到成年已經係相當困難嘅事。
而除咗呢班婦女之外,徽宗、欽宗二帝就被軟禁起嚟受盡侮辱,宋徽宗病死之時,屍身仲被拎嚟提煉屍油;而欽宗亦都成為金國貴族嘅玩物,最終喺馬球比賽當中被亂馬踩死。靖康之恥,確實係恥到難以形容。
原圖嚟自網絡