可能史友們都知道，我哋身處嘅香港，其實係响嶺南文化圈之內，所以香港同珠三角（依家多數叫大灣區）文化生活習慣語語等都相對接近。對比中國較北地區，嶺南文化又好似有啲唔同。
史友們可能會知道，以前廣東一帶都係相對落後地區，後嚟受外貿影響廣東特別係珠三角一帶經濟變得發達，令嶺南文化更受重視。不過咁，响好一段時間嶺南地區都係蠻夷之地，咁嶺南文化又係點樣發展起嚟呢？阿史最近睇咗篇學者寫嘅文章，就想同史友分享下。
果位學者就話嶺南文化之所以有所發展，同兩類人大有關係，第一類係官員，呢種官員就係被貶到嶺南地區果種。响古代嶺南地區係流放熱門地方，因為夠晒荒蕪。而被朝廷貶至呢個地方嘅官員，佢哋本身都有一定才華，就係呢班人將當時中原文明帶到去南方，起咗開化作用。
不過，講到影響力大，呢啲被貶官員就唔夠南遷中原人士咁大。响古代歷史當中，有唔少時候係處於戰亂狀態，為逃避戰亂好多人就從中原南遷至嶺南一帶，當中就有唔少地方大族，呢啲大族有錢有面有人有知識，响嶺南地區落地生根後就將中原文明文化植根於嶺南，推動咗嶺南文化發展。
其實呢兩種講法都有一定道理，因為福建其實都有類似情況。
原圖嚟自網絡