一講到黃大仙，史友們第一時間都應該會諗起九龍黃大仙祠。多年來，道教嘅黃大仙都係香港重要民間信仰，黃大仙祠長年都香火鼎盛。咁史友們又知唔知廣州人都有拜黃大仙呢？
其實阿史以前都介紹過，黃大仙信仰最初起源於浙江一帶，後嚟南傳至嶺南地區，响上世紀初再由廣州傳嚟香港。嶺南第一個供奉初平大仙嘅道壇普濟壇係响1897年喺番禺大嶺村出現，相傳响廣州普濟壇扶鸞時，黃大仙親自降鸞箕文。至於今時今日廣州最出現嘅黃大仙祠，就係响廣州荔灣區芳村，响清末民初時期，芳村嘅黃大仙祠為廣州著名宗教勝地，吸引廣州同珠江三角洲等善信到來參拜。
後嚟廣州响民國初年局勢變得動盪，市內好多廟宇寺觀遭受破壞，芳村嘅黃大仙祠亦被命令取締。後嚟梁仁庵道長就响1915年攜帶黃大仙畫像至香港弘道，最後發展為香港嘅黃大仙祠。至於廣州芳村嘅黃大仙祠，就响上世紀九十年代重建，而祠中嘅清代建造殘存遺蹟，响2015年被列為廣州市第八批文物保護單位。
原圖嚟自網絡