繼續同史友們介紹古代宮廷當中一啲有趣嘅歷史故事，對唔少人嚟講，「韭菜」都係一種令人欲罷不能嘅美食，今時今日已經融入到各種菜系當中，成為大家日常生活當中嘅美食。之不過，對於清朝嘅宮廷而言，「韭菜」曾經就係一種禁忌菜式，阿史今次就同大家介紹下啦！
要知道喺古代嘅宮廷當中係存在住唔少繁文縟節，特別係對宮女太監嚟講，一入咗宮中好多嘅生活習慣就已經唔同，而一旦做咗啲咩壞規矩嘅事，分分鐘就連命仔都保唔住。而「韭菜」呢種食物就係宮中禁忌嘅食材，一旦宮女太監食咗可能會引嚟殺身之禍！
要知道雖然韭菜營養豐富，可以做成嘅菜式亦都好多，但就因為呢種食物有住強烈嘅氣味，自己食落可能唔覺，但旁人聞到就會覺得好大口氣。假如係服待皇帝嘅太監食到，輕則就會觸怒皇上，重則可能命仔不保，所以由順治到咸豐期間，韭菜一直都係宮中嘅禁忌食材。
原圖嚟自網絡