繼續同史友們介紹我國最新嘅考古發現，螺螄粉今時今日已經成為風行全國嘅美食，而關於呢種菜式嘅歷史亦都唔長，但勢估唔到原來古人食螺螄嘅習慣係有好長嘅歷史，阿史今次就同大家講一講啦！
早喺今年2月，國家文物局就公布咗位於雲南晉寧古城村遺址嘅考古成果，喺發掘過程中就揭露出商代晚期到戰國早中期文化堆積，當中發現到壕溝、護坡、土坑墓、甕棺葬等遺址，亦都成功出土陶器、青銅器、玉器、骨器等文化遺物4000幾件。
而最為特別嘅係，喺商周時期環壕聚落當中就存在住一個大型湖濱貝丘遺址，呢個遺址面積約4.2萬平方公尺，係由灰土層以及大量尾部被敲破嘅螺螄殼堆積而成，反映其實喺幾千年前，呢啲螺螄已經係古人嘅主要食物之一，所以先可以食出面積咁龐大嘅「螺螄遺址」，真係有趣！
原圖嚟自網絡