繼早前引入機械人維護龐貝古城遺跡後，近期考古團隊又忽發奇想，竟然引入150隻綿羊去到龐貝古城遺跡，佢哋聲稱呢個方法係可以有效保護到未被開發嘅區域。到底當中有咩原因呢？阿史今次就同大家講一講啦！
要知道開發龐貝古城一直以嚟都係唔少考古學家嘅夢想，但就由於龐貝古城共計66公頃範圍，就算歷經250年以嚟嘅努力，目前就只係得三分之二嘅區域受到開發。咁未被開發嘅考城區域自然就會受到大自然嘅侵蝕，唔少房屋都被野草以及其他植物依附，古老牆壁房屋自然就會受到破壞。
為咗減少呢種情況出現，專家就諗到引進150隻綿羊到龐貝古城北邊第五區（Regio V），希望通過呢種可持續嘅方式保育住呢個未被開發嘅區域，真係有趣！
原圖嚟自網絡