相信史友們都知道佛山係傳統手工藝重鎮，即使到咗今時今日呢個地方都仲係民間工藝嘅重鎮。咁唔知史友們有無聽過佛山木版年畫呢樣嘢呢？
佛山木版年畫可以話係嶺南民俗文化一朵奇葩，興起於明代永樂年間，至今有成700幾年歷史，以清代乾隆、嘉靖年間至抗日戰爭前為鼎盛時期，一度同天津楊柳青、蘇州桃花塢、山東濰坊等地出產嘅年畫合稱「四大木版年畫」。佛山民間木版年畫包括門畫（俗稱門神）、年畫與神像畫，統稱為年畫。响清末《佛山忠義鄉志》記載有專門生產門畫、年畫、神像嘅「門神行」。後嚟除咗同傳統民俗有關產物，佛山木版印製工匠仲做埋商業街招木版，就係與時並進。
佛山木版年畫响以前有幾受歡迎？以往佛山木版年畫專銷越南、柬埔寨等南洋地區，以門神年畫為最大宗，深受當地華人歡迎，可以話係中國民間信仰同習俗影響到亞洲其他地方嘅一個例子。
原圖嚟自網絡