最近阿史睇返廿幾年前經典電影《南海十三郎》，個故仔好睇啲演員又演得出色之餘，仲响當中了解到粵劇昔日响廣東一帶有幾咁勁。
粵劇又稱大戲，現時係國家級非物質文化遺產，可以話係嶺南文化嘅瑰寶。據相關研究指出，粵劇係由外江戲演變而來，宋元時期好多中原人士逃難去咗依家廣東一帶，將戲曲文化帶到嚟呢邊，再經本土化後就出現咗粵劇嘅雛型。而响明清時代，因為廣州城經濟繁榮，多有錢人又多富商，所以各式各樣娛樂就有蓬勃發展，粵劇亦因此受到更多人關注同加入梨園行業，好多戲迷就同今日啲追星族粉絲無乜分別。
咁以前廣東人對粵劇有幾迷呢？據明嘉靖年間成書嘅《廣東通志》就有相關記載：「廣州府『二月城市中多演戲為樂，諺雲正燈二戲』」。據《新會縣志》亦有記載，話响明成化初年，當地出現「鄉俗子弟多不守本業，事戲劇度日」情況。嘩！證明以前粵劇係幾咁盛行。
原圖嚟自網絡