繼續同史友們介紹世界各地最新嘅考古研究成果，其實早喺2002年考古團隊就已經喺印度西部坎貝灣海底50公里、深36公尺嘅位置發現古代城市遺蹟，喺當中仲發現到唔少文物以及人類骨骼，當時專家就推斷呢個遺址係有4000幾年歷史。
之不過，隨住專家對文物進行檢測以及各項研究顯示，呢兩個遺址嘅歷史遠遠唔止得4000幾年，而係可以達到9000幾年。據《英國廣播公司》引述印度海洋科技部部長穆利瑪諾哈爾喬希表示，喺呢個遺址當中係存在樓梯、浴室、寺廟等建築，並且係帶有一條9公里嘅河道痕跡，反映呢座古城以往應該係建立喺河岸之上。
咁到底點解好地地一座喺地面嘅古城又會沉咗落海底呢？專家就有幾種唔同嘅推斷，普遍嚟講除咗認為同冰雪溶化導致海面上升有關之外，有海洋專家就認為係因為地震造成地殼翻動令到坎貝灣下沉，令到海岸線向內陸縮近50公里。只能夠講，大自然嘅威力就係恐怖！
原圖嚟自網絡