繼續同史友們介紹我國最新嘅考古發現，早喺1992年，我國嘅考古專家就曾經發現以及研究過石家河古城遺址，但原來呢座古城遺址一直都被大家遠遠低估咗，阿史今次就同大家講一講啦！
湖北石家河古城遺址早喺1954年就已經被發現，呢個位於長江中游地區面積最大新石器時代聚落遺址一直都係專家嘅研究目標，去年喺湖北省文物考古研究院與北京大學及天門市博物館聯合合作之下，通過地球科學、測繪等技術，再次全面勘察遺址呢個遺址，結果就有咗重大發現。
據了解，呢個石家河古城遺址總面積足足達到350萬平方米，喺1992年專家所估計嘅兩倍以上，並且喺遺址當中仲搵到完整嘅內城、護城河及外郭城，更加有埋古城水利系統，由內城河流、水門、攔水壩等都一應俱全，反映呢個新石器時代聚落係存在住好高嘅治水能力！
原圖嚟自網絡