喺現代社會嚟講，為咗個人衛生好多時候我哋都會剪咗過長嘅手指甲，但唔知史友們有冇喺古代嘅畫作當中發現，其實唔少古代男子都刻意留有又長又尖嘅指甲，到底當中有咩原因呢？阿史今次就同大家講一講啦！
可能唔少史友第一時間就會諗，一定係因為「身體髮膚受之父母」嘅原因，所以古人就連手指甲都唔剪，但其實喺古代嚟講即使剪咗指甲都唔代表係不孝，所以當中係冇呢個原因嘅。
咁留住好長嘅手指甲又係咪有咩特殊象徵呢？答案就當然係啦，而且係為咗炫富添！要知道留住長指甲從事任何工作都唔方便，特別係搬運、農務活動等等，咁所以留得長指甲就意味住自己係唔需要從事呢啲工作，所以好多文人仕紳都刻意咁樣做，亦都可以通過指甲判斷到他人嘅身份；至於武將就因為要練武，所以就會剪走指甲喇！
原圖嚟自網絡