繼續同史友們探討一啲有趣嘅歷史謎題，如果史友們有睇過關於萬世師表孔子嘅畫像又或者雕像，應該都會留意到孔子嘅身材相當之高大，喺《史記》當中記載佢甚至仲有9尺6吋咁高，咁到底孔子嘅身高喺現代嚟講又有幾高呢？阿史今次就同大家講一講啦！
如果單純按現代嘅標準嚟講，9尺6吋係等同3.2米，聽到呢個咁荒謬嘅數字，大家就知一定唔係按現代嘅標準嚟計。咁如果按司馬遷寫《史記》嘅漢朝嚟計，漢朝一尺等同23.1厘米，即係孔子身高就等於2.21米，雖然都算係一個有可能達到嘅範圍，但其實都唔係真實嘅數字。
事關司馬遷寫《史記》雖然係喺漢朝，但關於孔子嘅史料就係喺春秋時期，佢身處嘅魯國就係依照了周王朝禮儀以及文化，所以如果按周朝標準，咁西周一尺為19.7厘米，孔子最多就只係得1米8左右，喺古代嚟講都算係幾高喇！
原圖嚟自網絡