繼續同史友們介紹一啲古代奇形怪狀嘅兵器,唔知史友們喺睇古裝影視作品當中有冇留意到,特別係明朝時期嘅影視作品,皇帝嘅身邊就總係有幾個人拎住啲好似扇嘅物體伺候住皇帝。如果唔特別指出,可能大家都會以為呢幾把真係扇嚟嘅,但實情其實係名為「卓影避邪」嘅兵器,阿史今次就同大家講一講啦!
提到呢把武器嘅起源,其實就係因為明朝永樂皇帝發動靖難之變後,因為擔心自己會被行刺,特意從外地引進返嚟,而呢種武器最初嘅作用係點就冇太多嘅記載。當呢把武器入到明朝之後,就成為咗「卓影避邪」。喺《菽園雜記》就有提到「奉天門常朝,御座後內官持一小扇,金黃絹以裹之。常聞一老將軍雲,非扇也,其名卓影辟邪。」
「卓影避邪」本體就係一把三刃刀劍類武器,咁具體又係點樣使用呢?平日為咗避免傷及皇帝,呢把武器都會以鐵線與黃絹包裹,偽裝到好似扇咁樣,但一旦要用嘅話,持扇人只要手臂一抖,線圈自然脫落就會露出武器真身,以最快速度保護皇帝。
原圖嚟自網絡