秦滅亡六國，完成中國史上首個大一統，但提起呢個千古一帝其實仍然有唔少污點，其中一項就係「焚書」以及「坑儒」。
要知「焚書」以及「坑儒」其實係兩件獨立嘅事件，先講「坑儒」所坑嘅並唔係儒生，喺《史記‧儒林列傳》就有指出呢度所指嘅「儒」其實係「術士」。由於秦始皇長年都尋求長生不老，所以就曾經搵過多年術士為自己煉製長生不老藥。但結果呢啲術士唔單止煉唔到藥，反而仲周圍散播秦始皇嘅「黑材料」，最終呢件事牽涉到400幾人，呢班術士就喺咸陽被坑殺。
「坑儒」係秦始皇所為似乎都係證據確鑿，但後世學者就認為「焚書」就可能真係另有其人！秦始皇一統之下之後，自然就係需要統一語言，佢曾經聽從李斯之言規定民間只可以收藏農業、醫藥、占卜等相關書籍，《詩經》、《書經》及諸子百家之書就只有博士官職嘅人先可以收藏並且存放喺宮中，而其他國家史書都被焚燬，就只可以保留秦朝史書。
就咁睇落其他都仍然有大批書籍得以保留傳世，但就喺劉邦率起義軍攻入咸陽之後，佢以及後到項羽嘅軍隊就喺咸陽劫掠、屠城，後來仲發生埋火燒毀宮殿嘅事件，所有喺民間收集並存放喺宮中嘅書籍就係喺呢個時候被焚燬，所以秦始皇好大機會係食咗死貓。
原圖嚟自網絡