一都以嚟都有唔少講法係指唐朝嘅文化深深影響住日本，由飲食習慣、衣著、書法、繪畫、音樂以至舞蹈，都係由日本嘅遣唐使從大唐習得，繼而對日本嘅文化產生深遠嘅影響。而近日日本出土嘅一件文物，正正就可以印證到呢段歷史。
近日喺射水市沖塚原工業區附近，就有一個喺13世紀末至14世紀初嘅一個武士住所遺址，而喺當中就發現到一把正方形嘅古扇。古扇上依稀可見「春」、「頭」等字，而經過日本金澤大學考古學系副教授佐佐木由香研究後，就認為古扇製作於鐮倉時代，以日本扁柏製成，而古扇之上並唔係單純有幾個字咁簡單，而係寫有白居易的《薔薇正開春酒初熟因招劉十九張大夫崔二十四同飲》詩文頭兩句「甕頭竹葉經春熟，階底薔薇入夏開」。
古扇有咁耐嘅歷史本來就已經係難得嘅發現，上面嘅白居易詩句更加係日本首次證實到詩句來源嘅發現，對後世研究唐文化對日本嘅影響提供咗一項重要嘅實證。
原圖嚟自網絡