嘩嘩嘩，行行下山都竟然會發現到戰時炸彈，而成件事仲要係有「炸彈獵人」之稱嘅兩個外國人刻意尋找嘅？到底係咩一回事呢，阿史今次就同大家講一講啦！
日前，就有兩位「炸彈獵人」帶同金屬探測器行山，而過程之中佢哋就喺跑馬地黃泥涌樹木研習徑對開搵到懷疑爆炸品並且報案求助。經過警方搜索之下，就發現到一杖約7乘12厘米大、懷疑屬於日軍二戰嘅91式手榴彈，最終炸彈就成功引爆並且冇人受傷。
咁點解兩位「炸彈獵人」可以喺黃泥涌搵到戰時炸彈呢？其實黃泥涌峽一帶喺日軍侵佔香港期間正係一個重要嘅戰場，西旅喺1941年12月19日就曾經喺黃泥涌峽一帶反攻日軍，而東旅亦都喺黃泥涌山谷向日軍反攻，但最終撤退往赤柱。戰事結束之後，共有450個守軍及600個日軍陣亡，可以話黃泥涌峽徑一帶係經歷過相當慘烈且血腥嘅戰事。
原圖嚟自網絡