近日台灣方面就傳出馬英九將於3月底、4月初返到大陸祭祖,隨住呢個消息傳出來,多方都歡迎佢返到大陸,並希望佢可以帶同更多台灣嘅青年學生前來交流。咁到底馬英九今次返到大陸又會去啲咩地方呢?阿史今次就同大家講一講啦!
馬英九曾經擔任過台灣地區領導人,佢今次嘅行程自然係備受關注。據了解,馬英九訪問之地除咗有上海以及佢嘅老家湖南湘潭白石鎮之外,整體嘅行程都係同歷史有密切嘅關係,例如佢就會去到南京拜謁中山陵,參訪南京總統府舊址、國父孫中山先生故居、南京大屠殺紀念館;又會去到武漢嘅辛亥革命武昌起義紀念館、黃鶴樓、湖北省博物館;到湖南參訪南嶽忠烈祠、岳麓書院、抗戰中國戰區第四受降區受降儀式所在地等等,呢啲地點唔單止同近代中國嘅建成有密切關係,亦都係同國民黨有重要嘅歷史關連,所以呢次祭祖之旅亦都被視為唔簡單!
原圖嚟自網絡