喺古代農業為主嘅社會，人口往往都係一個國家強大與否嘅關連，而為咗擴展領土，國與國之間亦都不時發生戰爭，咁到底喺古代政府又有啲咩方法確保到人口穩定上升呢？阿史今次就同大家講一講啦！
由於人口往往都係古代國家富強嘅關鍵，所以古代政府為咗可以令到自己國家強大，都會出盡奇招去鼓勵生育。例如喺《史記．商君列傳》記載秦國為咗鼓勵生育，直頭就有政令表示「民有二男以上不分異者，倍其賦」，意思即係如果一戶家庭當中有兩個成年男性未婚，就會被加倍徵收賦稅。
除咗呢招之外，政府亦都深知窮人娶唔到老婆嘅現象，所以《禮記·昏義》中又有提到齊國為咗解決呢個問題，就先要求齊桓公以及貴族減少後宮人數，造成「內無怨女，外無曠夫」嘅情況，最終就令到寒門子弟都有機會成家立室。可見，人口喺古代嚟講真係相當重要！
原圖嚟自網絡