今時今日炸雞係美式快餐文化中其中一道「主菜」,好多連鎖快餐都會有炸雞賣。唔好睇炸雞而家咁受歡迎,原來以前炸雞係會俾人歧視。
呢段種族歧視歷史發生响美國立國後嘅十九世紀,當時美國南方係歧視黑人最嚴重嘅地方,最慘係白人歧視黑人完全係合法。而响生活上亦充滿各種對黑人歧視嘅習慣,以前美國南方嘅黑人奴隸係被禁止擁有豬同牛呢啲大型動物,佢哋只可以養雞。漸漸黑人群體就有食炸雞習慣,而炸雞就成為咗歧視黑人一個象徵。雖然美國黑人群體真係流行食炸雞,但拎炸雞同佢哋開玩笑佢哋就唔會同你講笑。
除咗炸雞,西瓜都唔可以隨便同黑人扯上關係,因為以前美國農場主人會以黑奴種植同販賣西瓜,夏天來臨之時農場主就會俾黑奴放一日假,同埋食當季第一個採收嘅西瓜,又係內藏咗一段種族歧視歷史。
原圖嚟自網絡