喺晚清有唔少著名嘅官辦商人，除咗有阿史經常都提到嘅胡雪巖之外，仲有一位本身係秀才出身，但憑住成為官辦商人而得到李鴻章賞識，結果喺洋務運動之時就廣辦實業，成為我國近代工業先驅，呢位人物正正就係被稱為晚清首富嘅盛宣懷。
盛宣懷喺洋務運動之時就一舉創辦我國第一個民用股份制企業（輪船招商局）、第一家銀行（中國通商銀行）、第一條鐵路幹線（京漢鐵路）、第一個鋼鐵聯合企業（漢冶萍公司）等等，與此同時仲創辦中國紅十字會並擔任首任會長，主導創辦了北洋大學堂、南洋公學等，搵錢之餘亦為國家發展作出重大貢獻。
咁到底呢位晚清首富又係幾有錢呢？喺佢在世之時佢就喺北京擁有兩萬套四合院，加上各地房產、資產等等，據統計係等同現代近2萬億嘅身家。盛宣懷有錢就唔係咩新聞，而佢最為出色嘅一點就係有善財保家之策，本來通過佢以一半家產設立的愚齋義莊，通過自利及利他嘅善財傳承架構，係可以達致善財保家，但家族最尾點解仍然都係迅速衰敗？
喺晚清而言，能夠設立遺囑本來就已經係相當先進嘅一回事，盛宣懷就曾經對家產作出一半遵照傳統慣例分家，一半用於建立兼顧利他自利複合目的嘅家族信託，但奈何佢嘅意願最終被違背，善財傳承計畫落空，原本可以長期運行嘅愚齋義莊最終亦因為有人違背「動息不動本」原則而被變賣，其子孫最終喺1927年就瓜分家族資產，家族最尾都係快速衰敗。
原圖嚟自網絡