如果史友們熟悉明朝嘅歷史，應該都會知道喺明朝同後金嘅戰爭當中，明軍幾乎係冇取得過勝利，但就喺1626年寧遠一戰當中，明朝軍隊就首次大獲全勝，亦係史稱嘅「寧遠大捷」。而經過呢場戰役後，明朝唔少有識之士就意識到，如果要戰勝後金，咁就應該要同葡萄牙合作。
要知道「寧遠大捷」最關鍵之處就係嚟自葡萄牙嘅紅衣大炮烤死咗唔少後金嘅軍官，令到金兵重創，並且難得地喺戰場上可以「立竿見影」。之不過去到1629年，崇禎就遭遇己巳之變，自己亦都聽信謠言淩遲袁崇煥，喺經歷過咁多事之後，如何對付後金就已經成為當務之急。時任禮部尚書徐光啟向崇禎講明咗紅衣大炮嘅威力，並且提議「置辦火器及取善炮西洋人赴京應用」。
結果，崇禎唔單止聽從呢個建議，仲派人到澳門向葡萄牙人購炮招兵。雙方達成協議，葡萄牙派出一支400人部隊協助抗清。計劃原本去到呢步都好順利，但點知呢個涉及外夷嘅提案就被官員彈劾，直言「堂堂天朝怎麼能向蠻夷借兵」，崇禎聽到呢度亦只能放棄。
原圖嚟自網絡