喺現代社會，見到一對新人結婚行禮，相信大家都仲會以「新郎」、「新娘」嚟稱呼佢哋，之不過唔知史友們有冇諗過「新郎」喺古代其實並唔係指結婚儀式上嘅男方，而係一種官職呢？
咁到底「新郎官」喺古代嚟講又係咩官職呢？答案就係新科進士喇！喺隨唐以前，朝廷就主要推行「察举征辟」以及「九品中正刲」，喺呢啲制度之下各個階級等級都好森嚴，平民百姓冇乜機會可以進入仕途。但隨住門閥士族喺魏晉南北朝百幾年戰亂當中沒落，寒門子弟最終就被統治者視為制衡士族嘅工具，於是科舉制度就出現。
正正因為有咗科舉制度，凡係考中科舉嘅人都會被稱為進士，而喺唐代由於六品以下嘅官員都會被稱為「郎官」，所以新科科舉進士又會被稱為「新郎官」喇！
原圖嚟自網絡