中科院古脊椎所館藏46萬餘件化石標本

近日國際著名學術期刊《科學》(Science)就發表咗來自全球28個國家73家機構學者合作論文，當中就通過對世界上自然博物館藏品進行評估發現，成功統計出以上73家機構嘅博物館、標本館保存著超過11億件生物、地質、古生物和人類學標本與化石等藏品。

咁又同我國嘅中國科學院古脊椎動物與古人類研究所有咩關係呢？原來中科院古脊椎所以及中科院南京地質古生物研究所就係今次被統計嘅其中兩家機構，而經過90幾年嘅努力，目前中科院古脊椎所現藏有46萬餘件化石、人類遺存標本，已發展成為亞洲最大古脊椎動物與古人類收藏機構。

要達成呢個壯舉其實唔係容易嘅事，要知道喺中國人仲未將化石作為科學研究材料進行發掘同保育前，其實係有大量被稱為「龍骨」嘅脊椎動物尤其是哺乳動物化石被西方人收集運出中國，並且藏於海外的博物館等機構。所以，為咗改變呢個現象，先至有中國科學院古脊椎動物與古人類研究所出現。有咗咁豐富嘅館藏，自然就要令古老化石標本成為全人類共同財富，進一步理解自然世界與人類地位嘅物理基礎。