提起「挾天子以令諸侯」一詞,相信史友們腦海中第一時間諗起嘅就係曹操挾漢獻帝以令諸侯,但其實做出呢種事嘅人唔止得一個,而曹操亦都唔係最先嘅一個,喺東周初期就已經有位「春秋小霸」鄭莊公做過呢件事,阿史今次就同大家講一講啦!
鄭莊公喺鄭國歷史上在位42年,喺佢管治之下鄭國經濟發達,國內情況欣欣向榮,甚至有後世學者認為,喺佢管治之時嘅鄭國係可以堪稱「春秋小霸」。咁到底點解呢位春秋霸主又會忽然選擇「挾天子以令諸侯」呢?
而喺周平王在位晚期,其實鄭國實力已經相當強大,即使周平王想扶持虢公打壓鄭莊公,但最後都係無計可施,甚至仲逼到天子同作為諸候嘅鄭莊公交換質子以換取安全,鄭莊公真係「挾天子以令諸侯」第一人!
原圖嚟自網絡
評論:
共0 條評論