繼續同史友們介紹我國最新嘅考古發現，近日喺河南商丘宋國故城遺址考古工作當中，考古團隊就喺南城牆北坡處發現6座唐代墓葬，而且仲取得重大突破，阿史今次就同大家講一講啦！
考古團隊喺呢次考古工作當中，同往常一樣都搵到唔少古城當中古人嘅生活痕跡，例如就有東周時期水井、灰坑、鑄銅以及冶煉手工業相關遺存。但最為重要嘅發現係，考古團隊發現到多個唔同時期嘅古城痕跡，包括兩周時期、漢唐時期、兩宋時期，而且呢啲唔同時期嘅古城痕跡都係相互疊壓，形成考古學當中最為典型而又罕見嘅「城摞城」現象。
而且，喺清理墓葬過程中，團隊又清理出兩塊有確切時間記載並且字跡清晰嘅的墓誌銘，為明確城牆相疊確切年代提供重要佐證！至於古城南城牆點解會被廢棄、西城牆又係幾時建成，呢啲就需要進一步考古研究先至可以得知！
原圖嚟自網絡