嘩嘩嘩，又再次有華人演員揚威海外影展！第80屆威尼斯電影節就公布梁朝偉獲頒終身成就金獅獎，係繼吳宇森、許鞍華之後第三位獲頒此獎嘅華人，如果單計演員，就更加係首位華人演員獲得這項殊榮，真係相當威水！
今年威尼斯電影節將於8月30日至9月9日舉行，到時偉仔就會喺電影節閉幕式上領取金獅獎。近年梁朝偉就憑住Marvel 英雄片《尚氣》而獲得荷里活關注，佢嘅演技亦都得到肯定，但事實上梁朝偉早年嘅作品就好似《無間道》、《悲情城市》、《重慶森林》、《色戒》以及《英雄》等都係經典作品，令到佢從影生涯獲獎無數，而當中《悲情城市》、《三輪車伕》及《色，戒》亦三度贏得威尼斯最高榮譽金獅獎。
得知呢個消息後，偉仔就表示相當榮幸，並希望通過呢個獎，向所有所有電影製作人一同慶祝、致敬，真係恭喜晒佢！
原圖嚟自網絡