中國國民黨前主席馬英九近日前赴大陸祭祖及交流，一行人今日就拜謁南京中山陵。
喺莊嚴肅穆嘅南京東郊紫金山麓中山陵，其實就係孫中山先生喺1929年嘅安葬之地。今次馬英九一行人就抵達中山陵博愛廣場一路拾級而上進入祭堂，與隨行主要成員進入墓室，憑弔孫中山先生棺槨。除此之外，馬英九仲同場題寫「和平奮鬥 振興中華」以誌紀念。
呢次馬英九一行人嘅訪問固然係意義非凡，而之所以到訪南京中山陵，馬英九亦都表示兩岸人民都係中華民族炎黃子孫，希望兩岸一齊致力振興中華。佢希望台灣青年深入了解孫中山先生生平和兩岸關係。
事實上，孫山先生先唔單止係偉大嘅民族英雄、愛國主義者，更加係第一個響亮喊出「振興中華」口號，為中華民族作出彪炳史冊嘅貢獻。
原圖嚟自網絡