炒賣演唱會飛可能史友們就聽過唔少,但炒賣博物館展覽嘅飛,唔知史友們又見過未呢?大家有冇諗過一張博物館嘅展覽飛甚至可以賣到過萬蚊呢?阿史今次就同大家講一講荷蘭維梅爾大展啦!
阿姆斯特丹國家博物館(Rijksmuseum)維梅爾(Johannes Vermeer)世紀大展就將會舉行為期四個嘅展覽,當中就會展出大師存世作品37件當中嘅28件,可以話係有今世冇來世!而呢個消息一傳出之後,門票就好快全面售罄,甚至仲出過萬蚊一張票嘅黃牛價,真係相當驚人!
可能史友們會問,到底一個展覽點解可以咁空前火熱?其實維梅爾被譽為「荷蘭黃金時代最傑出畫家之一」,與林布蘭(Rembrandt)齊名,《戴珍珠耳環的少女》、《倒牛奶的婦人》等名作都係佢嘅作品之一。由於佢嘅一生作品產出唔多,目前已確認畫作只有37幅,每件作品均價值不菲,分散於世界各地甚少被借出。正正係因為呢啲原因,今次展覽就係由7個國家14家博物館以及私人收藏中借來作品展出共28幅畫作,係自17世紀以來最大規模維梅爾展覽,所以點解成萬蚊一張黃牛飛都會出現,真係唔係冇原因架!
原圖嚟自網絡