繼續同史友們介紹世界各地嘅一啲新奇考古發現，喺位於埃及南部古城阿拜多斯嘅拉美西斯二世神廟，考古團隊近日就搵到大批羊頭骸骨，到底當中有咩用意呢？阿史今次就同大家講一講啦！
埃及旅遊及文物部近日就表示，喺發掘工作由紐約大學的古代世界研究所團隊執行嘅拉美西斯二世神廟嘅考古工作當中，考古團隊就發現到超過2,000個托勒密王朝時期嘅公羊頭木乃伊，而連帶發現嘅其實仲有母羊、狗、野山羊、乳牛、瞪羚、貓鼬等動物嘅頭部骸骨，估計全部都係屬於祭品。
目前阿拜多斯位於開羅以南，係遊客較少嘅一個地方，但就係一個重要嘅考古地點。喺古代嘅托勒密王朝前後係經歷過三個世紀，直到西元前30年遭羅馬征服後滅亡，而考古團隊就推斷，大量嘅動物頭骸骨出現就係為咗顯示法老王拉美西斯二世獲得嘅尊崇，即使喺逝後多年仍不變。
原圖嚟自網絡