阿史以前都講過,响廣府話當中唔少俗語就同日常生活息息相關,同飲食相關嘅俗語都有唔少,好似掂過碌蔗就係其中之一。
掂過碌蔗,意思就係件事非常順利、非常有把握,好似考試十拿九穩就會話今次考試掂過碌蔗。咁又係點嚟嘅呢?响廣府話當中,「掂」係有直嘅意思,「碌」就係一條咁解。原來响以前,每逢過年前夕廣東省內嘅鮮花市集或者街頭花檔,都會有一條條高高豎起嘅甘蔗,啲人們將甘蔗買返屋企後就會擺放响大廳,祈求未來一年由頭甜到尾,順風順水好運一直落。就係咁,掂過碌蔗呢句話就成為代表非常順利嘅意思喇!
原圖嚟自網絡