細胞培育、DNA技術一直都係科學界具有唔少爭議嘅議題，而近日就有一間人造肉企業Vow開發出滅絕已久嘅長毛象肉丸，並且喺荷蘭國家科學博物館亮相，阿史今次就同大家講一講啦！
近日澳洲一間人造肉企業Vow就通過以滅絕已久、從近4000年前絕種長毛象(猛獁象)嘅DNA，經細胞培育製成「長毛象肉丸」。據了解呢粒巨肉丸由綿羊細胞結合長毛象肌紅蛋白嘅DNA序列混合而成，由於獲取嘅長毛象DNA序列有部分缺失，所以都插入咗現存近親非洲象DNA來完善部分空白。雖然話就話係肉丸，但目前呢個具有鱷魚肉香味肉丸並唔能夠食用，因為入面嘅蛋白質已經有成4000年歷史。
咁到底點解好地地要整呢啲史前肉丸呢？人造肉企業Vow就表示希望可以喚起人類對人造肉嘅關注，並且相信呢啲人造肉可以成為肉類嘅代替品咁話，換言之長毛象都係佢嘅抽水對象。
原圖嚟自網絡