日本著名音樂家兼作曲家坂本龍一上星期二病逝，終年71歲。
坂本龍一係日本殿堂級音樂家，曾經為多套電影製作配樂，响1983年參演咗大島渚執導嘅電影《戰場上的快樂聖誕》，並為呢部電影創作咗名曲《Merry Christmas, Mr. Lawrence》，成為佢代表作之一。而响1987年，佢更憑住電影《末代皇帝溥儀》榮獲奧斯卡以及格林美音樂獎項，成為國際級音樂製作人，而响電影當中溥儀登基奏曲亦成一大經典。有趣嘅係，佢响電影裡面仲飾演咗日滿電影協會會長甘粕正彥。
坂本龍一响2014年發現患上咽喉癌，其後病情好轉，但六年後再診斷出直腸癌，並响今年初證實已進入第四期。最終响上周不敵癌症病逝。
原圖嚟自網絡