疫情過去,唔少香港人出去旅遊之餘,外地遊客都有唔少嚟香港玩,嚟香港旅遊當然唔少得去飲茶食點心。飲茶文化响香港可以話係根深蒂固,各式各樣點心香港人都耳熟能詳,不過史友們又知唔知,原來以前香港嘅點心,有南北兩派之分呢?
根據清顧張思所撰嘅《土風錄》有關點心嘅描述:「小食曰點心,說明點心為饅頭、餛飩、包子等, 而點心在南北有不同叫法, 北方的點心有唐宋遺制,稱為官禮茶食。南方的點心歷史不長,約興起於明朝中葉,有嘉湖細點。」基本上北方點心同南方點心其實係有所不同。到咗清末民初,各地飲食文化漸漸融入响粵菜裡面。而到咗二十世紀,唔少廣州人同各省市嘅人嚟咗香港,就將港式點心發揚光大,當時南方點心源於廣州,北方點心則嚟自淮揚、華北等地區,好似包子類基本都係北方做包傳統而轉化成港式點心。
原圖嚟自網絡