自香港故宮博物館喺去年7月開放以嚟,就已經有超過90萬人到訪,踏入4月,博物館方面就宣布將會進行第四批展品輪換,到底今次有咩珍貴文物睇?阿史今次就同大家講一講啦!
今次展出嘅新一批文物一共就有44件,由書畫、服飾、典藏等類型都一應俱全,其中25件將會喺「紫禁一日──清代宮廷生活」展出。呢個展廳就以18世紀紫禁城作背景,希望通過展品呈現宮廷生活,而今次新一批嘅展品就會有國家一級文物、由宮廷畫家徐揚繪製共16頁嘅《平定金川戰圖冊》,當中第14頁係可以見到乾隆帝身穿龍袍袞服,由騎駕鹵簿導行即將登壇拜天嘅場景。
除此之外,喺展廳一「紫禁萬象──建築、典藏與文化傳承」就會展出慈安罕見便服畫像《璇闈日永圖軸》。乾隆帝朝服像、月白色雲龍紋男夾朝袍等等,全部都係難得一見嘅珍貴文物。由於呢批珍品就只係可以展出3個月去到今年6月,所以史友們真係要把握機會喇!
原圖嚟自網絡